Ka shkaktuar tronditje te madhe lajmi se Dalyce Curry, aktorja dhe këngëtarja e njohur për rolin në filmin klasik “The Blues Brothers”, ka ndërruar jetë tragjikisht në moshën 95-vjeçare si pasojë e zjarreve të Los Angeles.
Zyra e Mjekësisë Ligjore të Los Angeles konfirmoi vdekjen e saj të dielën, duke zbuluar se trupi i djegur i aktores u gjet në shtëpinë e shkatërruar plotësisht nga flakët. Curry, e njohur me emrin “Momma D” nga familja, ishte parë për herë të fundit të martën nga mbesa e saj, Dalyce Kelley.
Kelley, e cila ishte gjithashtu kujdestare e pjesshme e Curry-t, e kishte lënë atë në shtëpinë e saj në Altadena, në Kaliforni, një nga zonat më të goditura nga zjarri në Eaton.
