Kryetari i bashkisë Tiranë, Erion Veliaj, u bë baba dy ditë pasi bashkëshortja e tij, Ajola Xoxa solli në jetë djalin e tyre.  Pas shumë komenteve dhe pyetjeve lidhur me emrin e djalit, Veliaj ka vendosur të shuajë kuriozitetin e të gjithëve.

Në një postim në Instagram, kryebashkiaku ka zbuluar se emri i djalit është as “trim” as “poet” siç ishte përfolur, por “Kajan”.

Veliaj ka shpërndarë foto të djalit Kajan, por edhe një foto me mjekun gjinekolog, Orion Glozheni, i cili siç shkruan edhe Veliaj i është gjendur pranë në këtë fazë.

Kryetari i Bashkisë, Erion Veliaj dhe mjeku Orion Glozheni

“Ne u bekuam këtë fundjavë me birin tonë Kajan – tironsin më të ri në qytet! Mirënjohje nga zemra krye-Doktorit të Tiranës Orion Glozheni, dhe Gencit, Dritës e Valit nga ekipi i tij i mrekullueshem tek Materniteti i ri. Shumë dashuri e mirënjohje për gjithë urimet tuaja!”-shkruan Veliaj.