Këngëtarja  dhe aktorja franceze, Vanessa Paradis, e njohur për marrëdhënien e gjatë me aktorin e famshëm Johnny Depp, ka kurorëzuar në martesë lidhjen e saj 2-vjeçare me producentin dhe regjisorin e njohur francez, Samuel Benchetrit. Të shtunën e kësaj fundjave, në një ceremoni private, aktorja dhe regjisori mblodhën të gjithë miqtë dhe të afërmit për të zyrtarizuar lidhjen e tyre.

Sipas gazetës franeze, Le Parisien, çifti u martua në një vilë në Saint-Simeon, një komunë një orë larg Parisit me 900 banorë.

Për ditën e saj të madhe, ylli 45-vjeçar veshi një fustan tradicional të bardhë dhe një vello të thjeshtë. Foto nga momenti kur çifti ka dalë nga bashkia Saint-Simeon u publikua nga e përditshmja “La Parisien”.

Çifti u njoh gjatë xhirimeve të filmit Chien, në vitin 2016, kur Vanessa luante aktoren protagoniste dhe Samuel ishte regjisor. Në ceremoni mori pjesë edhe 19-vjeçarja Lily-Rose Depp, vajza e madhe e aktores që ka me ish-bashkëshortin Johnny Depp. Ky i fundit ka vijuar i qetë turin me bandën e tij “Vampirët e Hollywood-it”.