Komisioneri i  ri i Shtetit për Zgjedhjet do të jetë Ilirjan Celibashi.

Ish-kreu i KQZ dhe ish-ministër i PS për marrëdhëniet me parlamentin, Ilirjan Celibashi merr detyrën e rëndësishme pasi është votuar me shumicë votash nga Kuvendi ditën e sotme.

106 vota pro mori Celibashi teksa vetëm 5 vota mori kandidati tjetër Ardian Myslimaj. Ndërkohë nënkomisionere e KQZ është zgjedhur Lealba Pelingu me 105 vota pro ndërsa Agron Haxhimali mori vetëm 7 vota.

Në detyrën e anëtarit të Komisionit Rregullator të Zgjedhjeve janë përzgjedhur me 107 vota pro:

Ilirjana Nano

Dritan Çaka

Arens Çela

Muharrem Çakaj

Helga Vukaj

Ndërkohë në detyrën e anëtarit të Komisionit të Ankimimeve dhe Sanksioneve janë përzgjedhur me 105 vota pro:

Ilirjan Rusmali

Elvin Lako

Koli Bele

Elvis Çefa

Ledio Braho

KQZ e re tashmë ka 12 anëtarë, të ndarë në 3 nivele, dhe do të jetë përgjegjëse tashmë për zgjedhjet e 25 prillit të 2021.