‘Tapiri i artë i 1500-të i Striscia la Notizia’ i përket Chiara Ferragni. Influencuesja e mori atë gjatë episodit të transmetuar më 14 tetor.

Ky është një çmim satirik italian që jepet për individë që kanë bërë skandale ose janë përfshirë në situata komike. Ai i bën homazh veprimeve të diskutueshme, duke përfshirë çështje të jetës personale dhe publike të personazheve të njohura.

Arsyet e çmimit, i cili ndër vite ka bërë që fituesit më “sportive” të buzëqeshin, por edhe ka acaruar shumë të tjerë, iu dha Ferragni-t për shkak të skandalit të lidhur me nismat e saj të bamirësisë, fillimisht “pandoro-porta” dhe më pas afera e vezëve të Pashkëve.

“Nuk më kanë dërguar ende në gjyq, ndaj po i kryqëzoj gishtat. Sigurisht, këtë vit pa pandoro dhe pa vezë: panetone për të gjithë!”, -bëri shaka influencuesja me Valerio Staffelli, i cili i ka dorëzuar ‘çmimin’. Korrespondenti i Striscia gjithashtu bisedoi pak me Chiara Ferragni, duke i bërë asaj disa pyetje në lidhje me tradhtinë e supozuar të Fedez gjatë marrëdhënies së tyre.

Tradhëti që thuhet se ka ardhur për faktin se të dy ishin një çift i hapur: “Nuk kam qenë kurrë në një marrëdhënie të hapur. Dmth nëse “çift i hapur” do të thotë që njëri tradhton dhe tjetri jo, atëherë nuk e dija që kam qenë në një marrëdhënie të hapur: por s’kam qenë kurrë një çift i hapur nga ana ime!”, deklaroi influencuesja.

Pyetjambi tradhtinë u ngrit gjatë një interviste me Le Iene, në fund të shtatorit, nga një tjetër influencuese, Taylor Mega, e cila deklaroi në emision se kishte pasur një lidhje me Fedez. “Nuk mund të mashtrosh nëse flet për një çift të hapur. Është aty ku ke më shumë lëshime, ku nuk ka atë ekskluzivitetin që ekziston në çiftin që njohim të gjithë”, ishin fjalët e saj. Sipas Taylor, mes tyre kishte “më shumë një gjë fizike, pasionante”, e cila megjithatë nuk do të kishte ndikuar në krizën që më pas çoi në ndarjen e Ferragnez-ve.