Princeshës Diana iu desh të përballej me krahasime të vazhdueshme me Sarah Ferguson gjatë martesës së saj me Princin Charles. Fergie, gruaja e Princit Andrew, i bëri përshtypje familjes mbretërore me sjelljen dhe personalitetin e saj “të gëzuar” – një tipar që u bë makth për Dianën.

Biografi i Princeshës së Uellsit, Andrew Morton, shkruan në librin e tij se si Charles dikur dëshironte që Diana të ishte më shumë si Fergie. Në librin e tij “Diana: Her True Story — In Her Own Words”, Morton shkroi:

“Burri im më bëri të ndihesha kaq e papërshtatshme në çdo mënyrë të mundshme: sa herë që merrja frymë lirisht, ai më shtynte përsëri poshtë,” thuhet të ketë thënë ajo në pjesët e librit që janë publikuar nga Daily Mail. “Fergie dukej se dinte gjithçka për strukturën mbretërore dhe erdhi për drekë në Buckingham Palace dhe nuk dukej e trembur nga e gjithë kjo. Papritur, të gjithë thanë: ‘Oh, a nuk është Fergie e mrekullueshme, një frymë e freskët – faleminderit Zotit që ajo është më argëtuese se Diana’. U ndjeva tmerrësisht e pasigurt. Mendova se ndoshta duhet të isha si Fergie. Dhe burri im tha: ‘Do të doja që të ishe si Fergie – aq e gëzuar. Pse je gjithmonë kaq e mjerë?: Pse nuk mund të jesh si gjyshja “Nëna Mbretëreshë”?’ Jam shumë e lumtur që nuk jam si gjyshja tani. Dhe bëra kaq shumë gabime duke u përpjekur të bëhem si Fergie.”

Ajo shtoi:

“Fergie i joshi të gjithë në këtë familje dhe e bëri kaq mirë këtë gjë. Ajo më bëri të dukesha si pisllëk. E dija se përfundimisht Fergie do të kthehej dhe do të thoshte: ‘Duch [pseudonimi i fëmijërisë së Dianës], si ia ke dalë të mbijetosh gjithë këto vite?’ Ajo e ka thënë këtë në dy vitet e fundit”.