Milan Kundera shkrimtari i shumë kryeveprave në letërsi, u nda nga jeta në moshën 94 vjeçare, në Paris, pak ditë më parë. Lexuesit e njohin më së shumti për titullin e famshëm “Lehtësia e Papërballueshme e Qenies”.

Filozofia e tij për jetën, analiza e psikologjisë se qenies njerëzorë është një nga pikat më të forta të Kunderës, shkrimtarit me origjinë çeke.

Ai u largua nga Çekia në vitin 1975 në ekzil në Francë, ku në 1981 fitoi edhe nënshtetësinë franceze.

Kundera fitoi vlerësime për stilin e tij që përshkruante tema dhe personazhe që lundronin midis realitetit të zakonshëm të jetës së përditshme dhe botës së lartë të ideve.

Disa nga veprat e tij më të njohura janë, “Identiteti” “Shakaja”, “Valsi i lamtumirës”, “Mosdija”, “Ngadalësia”, “Pavdekësia”.