BRITANI E MADHE – Oliver Hoare, i njohur si i dashuri i Princeshë Dianës, është ndarë nga jeta në moshën 73-vjeçare. Ekspert arti, Hoare u përfol gjatë në mediat rozë, për një lidhje të tij me “princeshën e trishtuar” në vitin 1992.

Oliver i cili ishte mik i ngushtë i princit, Charles ishte i martuar dhe kishte tre fëmijë. Mediat britanike shkruajnë se Oliver ka ndërruar jetë në moshën 73-vjeçare pas një beteje të gjatë me sëmundjen e rëndë, kancerin.

Princeshë Diana i kishte thënë të besuarës së saj, Lady Bowker se “ëndërronte të jetonte në Italy me Hoare”. Hoare në atë kohë ka qenë 46 vjeç, 16 vjet më i madh se princesha dhe të dy kishin shprehur dëshirën për të jetuar së bashku. Marrëdhënia e tyre përfundoi kur bashkëshortja franceze e Hoares, Diane de Vvaldner, e kërcënoi Oliver-in me divorc.