Prej disa vitesh gazetaren Ilva Tare jemi mësuar ta shohim në ekranin e “Ora News” në moderimin e emisionit “Tonight”. Por me sa duket ndryshimet e fundit që po bëhen në televizione e kanë prekur edhe gazetaren. Burime për “Konica.al” tregojnë se Ilvën do e shohim në departamentin e lajmeve në televizionin që do të prezantohet së shpejti për publikun, “A1”. Ajo do të qëndrojë në krye të departamentit të lajmeve me një format tërësisht të ri.

Gazetarja Eni Vasili duket se në këtë sezon të ri televiziv nuk do të jetë më pjesë e ekranit të ‘News24’. Burime pranë ketij tv , konfirmojnë se gazetarja ka nënshkruar kontratën me ‘Top Channel’. Ende nuk ka një reagim nga ana e Vasilit lidhur me këtë ndryshim të logos televizive në të cilin do të shfaqet në sezonin e ri, por tashmë është fakt kjo lëvizje e gazetares.

Nuk dihet në qoftë se emisioni do të vazhdojë të quhet ‘Studio e Hapur’, si ai që gazetarja ka drejtuar në ekranin e ‘News24’ apo do të mendohet një tjetër emër për të.